पत्रकारलाई ज्यानमार्ने धम्की

 नेपाल पत्रकार महासंघकी केन्द्रीय पार्षद तथा रुकुमकी महिला पत्रकार टिका बिष्टलाई अज्ञात समुहले ज्यान मार्ने धम्की दिएकोप्रति प्रेस चौतारी दाङले गम्भिर ध्यानाकर्षण भएको जनाएको छ ।

रुकुमबाट प्रकाशित जन्तिधारा साप्ताहिक र दाङबाट प्रकाशित गणतन्त्र राष्ट्रिय दैनिकमा ‘तिर्थाको सिन्दुर किन चाहियो माओवादीलाई ?’ शीर्षकको लेख केहिदिन अघि छापिएपछि उहाँलाई ज्यानमार्ने धम्की आएको थियो । प्रेस चौतारी दाङका अध्यक्ष सविन प्रियासन र सचिव प्रदिप पाण्डेयले आज संयुक्त विज्ञप्ति प्रकाशित गरी गणतन्त्र स्थापनापछि पनि पत्रकारमाथी हुने गरेका यस्ता क्रियाकलापको घोरभर्तसना गर्नुभएको छ ।

ल है अर्को मन्त्रीको चर्तिकला देखियो

एउटी मन्त्री चन्दा चौधरीले गाडीको शिशा फोरेकी थिइन्। अर्की मन्त्री करिमा बेगमले सीडीओलाई कुटेर चश्मा फुटाइदिएकी थिइन्। आज अर्को एउटा मन्त्रीको कारण झण्डै कुटाकुट भयो। यसपालि मन्त्री पुरुष थिए- कांग्रेस कोटामा जलस्रोत मन्त्रालय फुटाएर बनेको उर्जा मन्त्रालय सम्हालिरहेका प्रकाशशरण महत। घटना स‍ंविधान सभाको राज्यको शासकीय स्वरुप समितिको बैठकको हो।

नारी दोश्रो दर्जाको प्राणी हैनन्

नेपालमा जातीभेद र छुवाछुटको अन्त्य हुने क्रम जारी रहे पनि तर नर र नारी बिच लैगिंकभेदको अन्त्य हुने कहिले ?  बिध्यमान समस्यालाई कोत्यानु पर्दा हाम्रो नेपाली समाजले नारीलाई दोश्रो दार्जाको प्राणी र नागरीकको चस्माले हेरिनेगरिन्छ । जस्को फलस्वरुप आज सम्म जति पनि नारी आवाजहरु घरपालुवा कुकुर्नीको अनर्थ भुकाई साबित भएको छ । यदी घरपालुवा कुकुर्नीले भुकेको भुकाई अर्थको अनर्थ नभएमा आदिम काल देखी हाम्रो मुलक अघोगति तिर धकेलिनुको मुख्य कारण पनि लैगिंक असमान्तानै हो भनेर ठोकुवा दिन सकिन्छ । 

पोलिटब्युरो वैठकमा अध्यक्ष खनाल प्रतिवेदनमा संशोधन गर्न माग

एमालेका अध्यक्ष झलनाथ खनालले पोलिटब्युरो वैठकमा प्रस्तुत गरेको प्रतिवेदनमा उल्लिखित राष्ट्रिय सहमतिका लागि सवै पार्टीहरूले कुनै न कुनै रूपमा त्याग गर्नै पर्ने हुन्छ र हाम्रो पार्टीले पनि त्याग गर्न तयार हुनैपर्छ भन्ने वाक्यशं हटाउन संस्थापन पक्षधर नेताहरूले नै माग गरेका छन्। सोमवारको पोलिटब्युरो वैठकमा अध्यक्ष खनाल पक्षधर नेता प्रकाश ज्वालाले प्रतिवेदनको अंशले पार्टीभित्र र वाहिर नराम्रो सन्देश गएको वताउदै प्रतिवेदनमा संशोधन गर्न माग गरेका हुन्। सोमवार वोल्ने अधिकांश सदस्यहरूले राजनीतिक प्रतिवेदनमा उल्लेख गरिएको आफनै पार्टीले त्याग गर्ने र ध्रुवीकरणको विषयमा संशोधन माग गरे, वैठकमा सहभागी एक पोलिटब्युरो सदस्यले भने, पार्टीले सरकारलाई सहयोग गर्ने र सरकारले पनि पार्टीको निर्देशन मान्नुपर्ने आशयले भनाई राखेका थिए। सोमवार नेताहरू प्रदीप नेपाल, सुरेन्द्र पाण्डे, प्रकाश ज्वाला, अष्टलक्ष्मी शाक्य, रघुजी पन्त, उर्मिला अर्याल, श्रीमाया थकाली र गंगा तुलाधरले आ-आफनो भनाई राखेका थिए।

किशोर बैज्ञानिकले प्रधानमन्त्रीलाई भेटे !

 बागलुङका किशोर बैज्ञानिक कुशल केसीले केहि दिन पहिले आफुले बनाएको सोलार कारका बारेमा प्रधानमन्त्री माधव कुमार नेपाललाई जानकारी गराएका छन् । स्थानीय अमृत आदर्श उच्चमाविमा कक्षा १० मा अध्ययनरत १६ वर्षिय केसीको प्रतिभालाई हरक्षेत्रबाट उच्च मूल्यांकन गर्नुपर्ने आवाज उठिरहेकै बेला किशोर बैज्ञानिक केसीको प्रधानमन्त्री नेपालसंग भेट भएको छ ।
६ लाख रुपयाको लगानीमा निर्माण गरिएको सोलार कार उनले बागलुङ बजारमा चलाउदा स्थानीय जनताहरुले उत्सुकतापूर्वक हेरेका थिए । यी किशोर बैज्ञानिकलाई सरकारले आर्थिक सहयोग गरेर यिनको प्रतिभालाई पलायन हुनबाट रोक्नुपर्ने आवाज उठिरहेको छ ।

एमाले र कांग्रेस चैते गणतन्त्रवादी- थापा

राप्रपा नेपालका केन्द्रीय अध्यक्ष कमल थापाले एमाले,कांग्रेस चैते गणतन्त्रवादी रहेको आरोप लगाएका छन्। आज वीरगंजमा सम्पन्न राप्रपा नेपालको तराइ मधेश राष्ट्रिय सम्मेलनलाई सम्बोधन गर्दै उहांले नेपाली कांग्रेस पथभ्रमित भएको छ। कांग्रेस विपीको विचारधारबाट अलग हिडिरहेको छ। यदी विपीको विचारधारामा नहिड्ने हो भने राप्रपा नेपालले बिपीको विचारलाई लिएर हिड्न तयार रहेको बताए। उनले भने -तराइबासीहरुले राजा नहुंदा देश अभिभावक विहिन भएको महसुस गरेका छन् भने बाहिरी शक्ति र पैसाको कारण दलहरुले हिन्दूत्वको पहिचान मेटाउन खोजेका छन्। मधेशीको भावना, हिन्दूत्वको लागि आन्दोलन गर्न राप्रपा नेपाल तयार रहेको र आन्दोलनको घोषणा गरिसकेको अध्यक्ष थापाले बताए।

अन्तरजातीय विवाह गर्ने जोडी सामाजिक समस्या भोग्न बाध्य

दलित समुदायको मानिससँग अन्तरजातीय विवाह गर्ने जोडीलाई प्रोत्साहन गर्ने नीति लिएको भएपनि अन्तरजातीय विवाह गर्ने जोडीले विभिन्न सामाजिक समस्या भोग्ने क्रम रोकिएको छैन।दलित र गैरदलिततबीच अन्तरजातीय विवाह गर्ने जोडीलाई सरकारले प्रोत्साहन स्वरुप प्रति जोडी एक लाख रुपैंया दिने निर्णय गरेको थियो। तर त्यसरी अन्तरजातीय विवाह गर्ने जोडीले प्रोत्साहन पाउन सकिरहेका छैनन् भने उनीहरु विरुद्ध विभिन्न समाजमा आक्रमण समेत हुने क्रम जारी छ। देशभर व्याप्त जातीय छुवाछुत हटाउन सरकारबाट ठोस प्रयास हुन नसकिरहेका बेला छुवाछुत विरुद्धका घोषणाले विभिन्न सामाजिक संकट पनि निम्त्याएका छन्।

ढोरपाटन शिकार आरक्षमा शिकारी बढे !

सुवास कंडेल/ बागलुङ मंसिर ९

मुलुककै एकमात्र शिकार आरक्ष ढोरपाटन शिकार आरक्ष बागलुङमा यस पटकको शरद ऋतुमा १० जना बिदेशी नागरिकले शिकार खेलेका छन । बर्षको दुई पटकमात्र शिकारको लागि खुल्ला गरिने यस आरक्षमा नाउर र झारलको शिकारको लागि फ्रान्सका चार सुईजका तिन र अस्टे्रलियका तिन जनाले शिकार खेलेको आरक्षका निमित्त संरक्षक अधिकृत पुरुषोत्तम शर्माले बताए ।
मुलुकमा शान्ति प्रकि्रया सुरुभएपछि शिकार खेल्नेका लागि बार्षिक रुपमा दर्जनौ बिदेशी नागरिकहरु ऋाउने गरेका छन । व्दन्दताका शिकार प्रतिबन्ध रहेको थियो । ०५५ साल देखि बन्द भएको शिकार ०६४ चैत्रबाट सुरु भएको आरक्षले जनाएको छ । स्थानीय बासिन्दासंगको सहमति पछि पुनः व्यवस्थीत रुपमा शिकार थालिएको हो । शिकारका लागि आरक्षले स्वेदशी र बिदेशी दुबैलाई छुट्टै दर तोकिएको छ । नाउरको शिकारका लागि बिदेशीलाई ४० हजार र स्वदेशीलाई ५ हजार रुपया तोकिएको छ भने नाउर र झारल शिकार गर्न स्वदेशीहरु भने नगरेको ढोरपाटन शिकार आरक्षले जनाएको छ ।

बेनीमा सन्चारकर्मी माथी सांघातिक आक्रमण : पत्रकारहरुद्वारा बिरोध

अगन्धर तिवारी/ म्याग्दी मंसिर ७ 

शनिबार साँझ बेनीबजारमा अज्ञात समुहले म्याग्दीका एक सन्चारकर्मीमाथी आक्रमण गरि सख्त घाइते बनाएका छन् । रेडीयो म्याग्दी कालीमा कार्यरत इन्द्र बियोगी शनिबार साँझ रेडियोमा कार्यक्रम सन्चालनका लागि आउँदैगरेको अवस्थामा अज्ञात समुहले टाउकोमा खुकुरी प्रहार गरि घाइते बनाएको हो । बियोगीको अहिले बेनी अस्पतालमा उपचार भइरहेको छ ।
शनिबार साँझ करिव आठबजे रेडियोमा कार्यक्रम सन्चालन गर्न आउँदैगरेको अवस्थामा गणेशटोलमा बसेका चारपाँच जनाको सुमुहले पछाडीबाट एक्कासी खुकुरी प्रहार गरेको घाइते बियोगीले बताए ।
आक्रमणकारीको नाम आँफुलाई जानकारी नभएपनि परिचित अनुहार नै भएको बियोगीले जानकारी दिए ।
घटनाको बारेमा अनुसन्धान भइरहेको र आक्रमणकारीको पहिचान नभएका कारण फेलापार्न नसकिएको जिल्ला प्रहरी कार्यालय म्याग्दीले जनाएको छ ।
यसैविच म्याग्दीमा कि्रयाशील पत्रकारहरुको समुह युथभिजन मिडिया हाउसले प्रेस बिज्ञप्ती प्रकाशित गरि सन्चारकर्मीमाथी भएको आक्रमणको बिरोध गरेको छ ।

मिडिया हाउसका अध्यक्ष ठाकुर प्रसाद आचार्य र सचिव अगन्धर तिवारीले हस्ताक्षर गरि प्रकाशित बिज्ञप्तीमा सन्चारकर्मीमाथी भएको आक्रमण समग्र सन्चारमाध्यममाथीको आक्रमण भएकाले त्यस्ता आक्रमणकारीलाई तत्काल कानुनी कारवाहि र पीडितलाई क्षतीपुर्तीकॊ माग गरिएको छ ।
राज्यको कमजोर सुरक्षाको फाइदा उठाएर सन्चारकर्मीमाथी हुने यस्ता आक्रमणले सर्वसाधारणको सुचनाको हकमाथी नै हमला भएकोले तत्काल त्यस्ता गतिविधि रोक्न कडा कदम चाल्न स्थानीय प्रशासनलाई विज्ञप्तीमार्फत अनुरोध समेत गरिएको छ ।

करिमाको चुरा लगाएको माकुने सरकार

मन्त्री र मन्त्रीका लोग्नेले जेसुकै गर्न पाउनु पर्छ । खुलेआम तस्करी गर्न पाउनु पर्छ अवैध रक्सि भट्टी वेश्यालय र जुवाघर चलाउन पाउनु पर्छ । त्यसो गर्दा प्रहरी प्रशासनले सुरक्षा दिनु पर्छ ।
कि बा हालचाल ठीक बा ? कौन माइका लाल छ रे करिमाको आँख दिखाउने ? उ प्रधानमन्त्री त फेटा गुथेको छ रे धोतीको । कारवाही कुन चराकव नाम छ रे । दिखलाइ दिन्छु बाप को शादी । चिनेको छैन करिमाको वीरगञ्ज हिलाएं रक्सौल हिलाएं । अब माधव नेपालको कुर्सी हिलाइ दिन्छु